Германиядан келген делегация Қазақстан Республикасының Ұлттық ғылыми фтизиопульмонология орталығында болды

Қазақстан Республикасының Ұлттық ғылыми фтизиопульмонология орталығы (Алматы) жұқпалы аурулар саласындағы жетекші неміс ғалымдарынан тұратын делегацияны қабылдады.

Делегация құрамында Гельмгольц атындағы жұқпалы аурулар институтының (HZI, Брауншвейг) эпидемиология бөлімінің басшысы, профессор Берит Ланге; HZI эпидемиология бөлімінің ғылыми қызметкері доктор Ольга Ховардовская; Фрайбург университеттік медициналық орталығының микобактериология тобының жетекшісі профессор Дирк Вагнер; сондай-ақ HZI қоғамдық денсаулық сақтау және ғылыми жобаларды басқару маманы Оганна Киракосян болды.

Кездесу барысында тараптар туберкулез, микобактериялардың дәрілік төзімділігі және жұқпалы аурулардың эпидемиологиялық модельдеуі саласындағы ғылыми ынтымақтастықтың келешегін талқылады.