Қазақстан – туберкулезсіз әлемге қарай сенімді қадамдар

2025 жылдың қорытындысы бойынша Қазақстан Республикасында туберкулез бойынша эпидемиологиялық көрсеткіштер  жақсаруда.

Туберкулезбен сырқаттанушылық 9,9 %-ға төмендеді.

Таралу көрсеткіші 12,8%-ға азайды.

Туберкулезден болатын өлім-жітім  көрсеткіші 10%-ға төмендеді.

Емдеу тиімділігі де артты: дәріге сезімтал туберкулезден жазылу көрсеткіші 90,5%-ды кұрады, дәріге төзімді туберкулезден жазылу көрсеткіші 85,3%-ға дейін жоғарылады, бұл көрсеткіштер Дүниежүзілік денсаулық сақтау ұйымының (ДДҰ) стандарттарынан жоғары.

Белсенді туберкулезбен ауыратын науқастар саны 15%-ке азайды.

• Қазақстан Республикасында туберкулездің алдын алу, диагностикалау және емдеу тегін медициналық көмектің кепілдендірілген көлеміне кіреді.
• Елімізде МСАК ұйымдары деңгейінде туберкулезді ерте диагностикалаудың заманауи әдістері енгізілген: GeneXpert аппараты арқылы жүргізілетін (туберкулезге ПТР) зерттеу нәтижелері 2 сағат ішінде дайын болады.
• ДДҰ ұсынымдарына сәйкес, дәріге төзімді туберкулез түрлерін емдеуде тиімділігі жоғары, инъекциясыз  қысқа  мерзімді  12 айдан 6 айға дейін  емдеу режимдері қолданылады, бұл емдеу режимдері  қабылдауға ыңғайлы таблетка түрінде ұсынылады.
• Туберкулез инфекциясын профилактикалық емдеу үшін 1 айдан 3 айға дейінгі жаңа қысқа мерзімді  режимдері  қолданылады. Бұл байланыста болған адамдар мен қауіпті топтарындағы тұлғалар  арасында белсенді туберкулездің дамуының алдын алуға мүмкіндік береді.
• Жыл сайын науқастардың 95%-дан астамы әлеуметтік қолдаумен қамтылады.
• Амбулаториялық деңгейде науқастардың 40%-ы емдеуді  бейнебақылау режимінде  қабылдайды.  

Заманауи технологиялар, қолжетімді медициналық көмек және нақты нәтижелер — халық денсаулығын нығайтудың  басты бағыты!