18 наурыз – ұлттық киім күні.

Елімізде Наурызды мерекелеудің онкүндігі жалғасуда. Бүгінгі күн ұлттық киімге арналады. Сан ғасыр бойы қазақтың ұлттық киімі қарапайымдылығымен және ұтымдылығымен ерекшеленді.

Ұлттық киім үлгісінде пайдаланылатын былғары, жүн, киіз, мата сияқты табиғи материалдар, асыл тастар мен металдар адамға жылулық пен жайлылық сыйлайды.

Қазіргі дәуірде ұлттық киім өз мәнін жоймай, бұрынғы дәстүр мен заманауи үрдістерді үйлестіре отырып, жаңаша мәнге ие болды. Ұлттық стиль ұлттық мінез пен ұлт бірлігін айшықтай отырып, ел мәдениеті мен тарихының ажырамас бөлігіне айналды.