Қарағандыда АМСК мамандары мен облыстың туберкулезге қарсы бағдарламасының серіктестері үшін туберкулез инфекциясы жағдайын бағдарламалық басқару бойынша тренинг өтті

2023 жылғы 8-11 тамызда Қарағанды ​​қаласында «Туберкулезді жұқтыру жағдайларын бағдарламалық басқарудың өзекті мәселелері» тренингі өтті.

Жаһандық қордың «Туберкулез» компоненті бойынша грант жобасы аясында ұйымдастырылған тренингті Г.Е.Төлепова (ҚР ҰФҒО жанындағы ЖҚ ЖІАТ дәрілік заттардың қауіпсіздігіне белсенді мониторинг жөніндегі кеңесші), Арбузова Е.В. (ҚР ҰФҒО жанындағы ЖІАТ ТНҰТ бойынша кеңесшісі), Матишева Г.И. (ТБ бойынша аймақтық үйлестіруші) секілді мамандар өткізді.

Тренингке Қарағанды, Абай, Теміртау, Шахтинск, Балқаш, Саран, Приозерск қалалары мен аудандарының АМСК желілерінің, ОФО, ЖИТС орталығының, СЭҚД басшылары мен орынбасарлары, эпидемиологтары, фтизиатрлары мен фтизиопедиатрлары, сондай-ақ Қарағанды ​​медицина университетінің өкілдерінен құралған 50 маман қатысты.  

Тренинг қатысушылары бұрынғы білімдерін жүйелеуге және жаңартуға, әртүрлі осал топтардағы туберкулез скринингінің инновациялық тәсілдері мен алгоритмдерімен танысуға, сондай-ақ тәжірибе алмасуға және озық тәжірибелерді үйренуге тренингтің мүмкіндік бергенін ерекше атап өтті. Оқу барысында ТБИ тестілеуге деген ұстанымды қалыптастыру және туберкулезді профилактикалық емдеу, ТБИ жағдайын бағдарламалық басқаруды бақылау және бағалау мәселелеріне ерекше назар аударылды.

Іс-шараның соңында барлық қатысушыға ҚР ҰФҒО сертификаттары табыс етілді.