МСАК дәрігерлеріне туберкулезді ерте анықтау және диагностикалау мәселелері бойынша оқыту жүргізілуде

Туберкулезбен ауыратын пациенттерге медициналық көмек көрсетуді ұйымдастыруды жетілдіру, профилактикалық іс-шаралардың тиімділігін арттыру, сондай-ақ туберкулезді ерте анықтау және диагностикалау жөніндегі жол картасын іске асыру аясында Ұлттық фтизиопульмонология ғылыми орталығы алғашқы медициналық-санитариялық көмек (МCАК) ұйымдарының медицина қызметкерлеріне арналған оқыту іс-шараларын ұйымдастырды.

Оқытудың негізгі мақсаты — МСАК дәрігерлерінің туберкулезді ерте анықтау, уақтылы диагностикалау және туберкулезге күдікті пациенттерді тиісті медициналық ұйымдарға бағыттау мәселелері бойынша кәсіби құзыреттілігін арттыру, сондай-ақ алғашқы медициналық-санитариялық көмек деңгейінде пациенттерді тексеруді ұйымдастырудың практикалық дағдыларын жетілдіру.

Осы бағыт аясында Сарыағаш аудандық орталық ауруханасының дәрігерлеріне «МСАК жағдайында туберкулезді ерте анықтау және диагностикалау» тақырыбы бойынша оқыту жүргізілуде.

Оқыту екі кезеңнен тұрады.

Бірінші кезең 2026 жылғы 5–9 қазан аралығында өтуде. Оған Сарыағаш аудандық орталық ауруханасының 48 дәрігері қатысуда.

Екінші кезең 2026 жылғы 12–16 қазан аралығына жоспарланған. Бұл кезеңде қосымша 48 дәрігер оқытудан өтеді.

Осылайша, екі кезеңнің қорытындысы бойынша барлығы 96 дәрігерді оқыту жоспарланған.

Оқу барысында МСАК деңгейінде туберкулезге күдікті пациенттерді анықтау, қауіп топтарын қалыптастыру, уақтылы тексеру жүргізу, заманауи диагностикалық әдістерді қолдану және зерттеу нәтижелерін түсіндіру мәселелері қарастырылады. Сонымен қатар пациенттерді одан әрі мамандандырылған тексеруге және емдеуге жолдау тәртібіне ерекше назар аударылады.

Оқытудың негізгі бағыттары:

• медицина қызметкерлерінің туберкулезді ерте анықтау мәселелері бойынша білімін жетілдіру;
• МСАК дәрігерлерінің туберкулезге қатысты клиникалық қырағылығын арттыру;
• туберкулезге күдік тудыратын белгілері бар пациенттерді уақтылы анықтау;
• туберкулезбен ауыру қаупі жоғары топтарды айқындау;
• МСАК деңгейінде пациенттерді тексеру алгоритмдерін жетілдіру;
• туберкулезді диагностикалаудың заманауи әдістерін қолдану және зерттеу нәтижелерін дұрыс түсіндіру;
• пациентті фтизиатр дәрігерге жолдау көрсетілімдерін анықтау;
• туберкулезге күдікті пациенттерді медициналық ұйымдарға жолдау алгоритмдерін сақтау;
• МСАК ұйымдары мен мамандандырылған фтизиатриялық қызмет арасындағы өзара іс-қимылды нығайту;
• профилактикалық жұмыстың және қауіп топтарын медициналық бақылаудың сапасын арттыру.

Күтілетін нәтижелер

Оқыту нәтижесінде МСАК дәрігерлерінің туберкулезді ерте анықтау және диагностикалау мәселелері бойынша кәсіби даярлық деңгейін арттыру, пациенттерді диагностикалық тексеруге уақтылы жолдауды қамтамасыз ету, ауруды ерте кезеңдерде анықтау сапасын жақсарту, сондай-ақ алғашқы медициналық көмек буыны мен мамандандырылған фтизиатриялық қызмет арасындағы өзара іс-қимылды нығайту күтіледі.

Қазіргі уақытта 48 дәрігерден тұратын бірінші топты оқыту жалғасуда. Қосымша 48 маманды қамтитын екінші кезең 2026 жылғы 12–16 қазан аралығына жоспарланған.

Жалпы жоспарланған қамту — Сарыағаш аудандық орталық ауруханасының 96 дәрігері.